Изинис Эйрвэйз компани ОХУ-ын Улаан-Үд хотын чиглэлд тогтмол нислэг үйлдэж эхэллээ
Үндэсний тээвэрлэгч Изинис Эйрвэйз компани 2010 оны 6-р сарын 1-нээс эхлэн ОХУ-ын Буриад Улсын нийслэл Улаан-Үд хотын чиглэлд тогтмол нислэг үйлдэж эхэллээ.
Өнө эртний ах дүүгийн уламжлалт харилцаа бүхий Монгол Улс, Буриад Улсын нийслэлүүдийг шууд холбосон нислэгийн шугамтай болсноор хоёр орны иргэд түргэн шуурхай, тав тухтай аялах төдийгүй бүс нутгийн худалдаа, эдийн засаг, боловсрол, соёл урлаг, аялал жуулчлалыг улам эрчимжүүлэхэд чухал алхам болж байна.
Ийнхүү 2009 оны 8-р сараас эхлэн БНХАУ-ын Хайлаар хотын чиглэлийн тогтмол нислэгээр олон улсын хэмжээнд хүрээгээ тэлж эхэлсэн Изинис Эйрвэйз компани нь өөрийн олон улсын хоёр дахь чиглэл болох Улаан-Үдийн нислэгийг амжилттай эхлүүллээ.
Долоо хоногт 2 удаа буюу Мягмар, Бямба гарагуудад нисэх тус нислэг нь Улаанбаатар хотоос 18.30 цагаас хөөрч, Улаан-Үдэд орон нутгийн цагаар 20.30 цагт буух ба нислэгийн үргэлжлэх хугацаа 1 цаг 30 минут байна.
Нислэгийн хуваарь:
| Чиглэл |
Аяллын
дугаар |
Өдрүүд |
Хөөрөх
цаг* |
Буух
цаг* |
Улаанбаатар - Улаан Үд
|
ZY 915 |
.2...6. |
18:00 |
20:30 |
Улаан Үд - Улаанбаатар
|
ZY 916 |
.2...6. |
21:30 |
22:00 |
* - орон нутгийн цагаар
Изинис Эйрвэйз компани нь анх 2006 онд Ньюком ХХК-ийн 100 хувийн дотоодын хөрөнгө оруулалттай байгуулагдсан. Өнөөдрийн байдлаар тус компани нь орон нутгийн 13 чиглэл болон олон улсад БНХАУ-ын Хайлаар хотын чиглэлд тогтмол нислэгийг хамгийн тогтвортой, өндөр давтамжтайгаар үйлддэг агаарын тээврийн тэргүүлэгч компани болоод байна. Тус компани саяхан 4 дэх онгоцоо хүлээн авч, агаарын хөлгийн паркаа өргөжүүлсэн нь ийнхүү Улаан-Үдийн болон бусад чиглэлд хуваарьт нислэгийг эхлүүлэх, нислэгээ өргөжүүлэх боломжийг олгож байгаа юм.
Дэлгэрэнгүй мэдээллийг Изинис Эйрвэйз компанийн 333311 дугаарын утсанд хандан авна уу.
ИЗИНИС ЭЙРВЭЙЗ КОМПАНИЙН ОЛОН НИЙТТЭЙ ХАРИЛЦАХ АЛБА
